Tatlong buwang pinaghandaan itong nangyaring halalan;

Samu’t saring kaganapan ating natunghayan;

Mula sa telebisyon, gayon din sa social media ang kaingayan;

Pero sa di-kilalang bayani, namamayani ang katahimikan.

At dumating na ang oras na pinakahihintay;

Simula madaling araw, pahinga’y kinalimutan;

Ramdam ang pagkataranta, suot ang pagkadakila;

Sa loob ng maskara sa mukha ang sakripisyong dala.

Munting pagkakamali’y di matatawaran ng taumbayan;

Sasaluhin ang dagdag gawain para sa mga may kapansanan;

Kasama na rito ang datihang botante at mga baguhan;

Umaga hanggang hapon, pagsisikap mo’y di mapapantayan.

Pagsapit ng dilim, buwis buhay ang bitbit;

Pagod at puyat ay kanilang tiniis, para sa pagbabagong hatid;

Pinapaligiran ng mga huradong –nagmamalinis;

Alingawngaw ng resulta ay dahil sa gurong magiting.

Halina’t pasalamatan, mga bayaning tinuringan;

Kahanga hangang gawa hindi matatawaran;

Nagsilbi silang gabay, mga gurong hinangaan;

Sila ang tunay na bayani ng halalan.

By: MR. JASON NERI RABOY | ADMIN AIDE IV |OLONGAPO CITY