Paano nga ba ang maging isang mabuting magulang?
Paano nga ba ang tamang pakikitungo sa asawa?
Paano nga ba ang pakikitungo sa biyanan?
Sa mga inlaws?
Sa ating kapwa?
Sa ating mga sarili? At lalo sa ating kapaligiran?
Kay daming katanungan na kay daming kasagutan . Mahirap nga ba ang maging magulang? Maging asawa?maging manugang? Maging bayaw ,hipag o ate ? o maging matiwasay na mamamayan at maging tao ng lipunan?
Masasabi kong mahirap na madali sa kadahilanang marami kang isasaalang- alang sa napakasalimuot na hamon ng buhay. Taong 2010 ay ibinaba ang isang programa na patungkol sa pagbuo ng isang pamilya na kakapulutan ng aral sa buhay ng mga mag-asawa at maging sa mga mamamayan ng lungsod ng Balanga .
Sa pangunguna ng ating butihing Congressman Joet Garcia ay umisip sila ng paraan upang matugunan ang mga pangangailangan ng mga kabataan sa kasalukuyan . Bakit kabataan ang nangangailangan ? dahil ito ang nakitang dahilan ng ating local government na dahilan kung bakit maraming kabataan ang nabubuntis ng maaga, mga magulang na naghihiwalay, mga magbeyanan na hindi magkasundo. Mga kabataang lulong sa ponography , mga magulang na inaasa ang mga anak sa kani-kanilang mga magulang.
Masarap isipin na may ganitong pamunuan na handang magsaliksik ng mga kasagutan sa lumalalang problema ng kanilang nasasakupan. Sabi nga ang pagiging isang mabuting magulang ay isang mahirap na debosyon ng bawat isa .
Ito ay parte nang ating Kultura bilang isang Pilipino. Ibinibigay at pinaka- iisip nila ang ma-
kakabuti sa kanilang mga supling. Pinangarap nila na bawat supling ay may mabuting hinaharap
sa kinabukasan. Bawat isa ay hinangad na makatapos ang kanilang mga anak at makitang
tinitingala sa lipunan.. Walang magulang ang naghangad ng ikakasama ng kanilang mga
supling. Bukang bibig ng mga magulang na ang Edukasyon lang ang maipapamana nila sa kani-
lang mga anak. Ayon sa batas Republic Act 232 na kilala bilang “ Education Act 1982
“ sec.3 ito ay kumakatawan sa “ Moral at makadiyos na pananaw” na maghahatid sa bawat
isa ng pag-angat ng antas ng pamumuhay ng bawat nilalang. Dahil kapag ang bawat tao
ay nakatapos sa mataas na edukasyon bumababa ang kahirapan ng isang bansa. Ito din
ang batas na nagsasabi na ang edukasyon ay walang pinipiling edad, kasarian paniniwala,
estado ng pamumuhay, pantay na pagtingin kahit may kapansanan, at pilosopiya sa buhay.
Upang maibigay ang pantay na paniniwala sa antas ng edukasyon.
Bawat paaralan ay hatid ang ibayong pagtuturo ng magandang edukasyon sa bawat
mag-aaral. At ang ating gobyerno ay patuloy na sumusuporta sa gawaing makakatulong
na maibigay ang ikakabuti ng bawat mag-aaral . Ang isang guro ang gumaganap upang
maihatid natin ang ibayong kaalaman na dapat matanggap ng bawat mag-aaral. Nasa mga
kamay ng isang guro ang ikakabuti ng isang mag-aaral. Dahil ang guro ang nagiging instrumento
at sila din ang nagiging sandigan ng kanilang kinabukasan ay ito ay inaasahan ng kanilang mga
magulang. Kaya patuloy na kumakalap ng mga makabagong kaalaman ang Gobyerno
upang matugunan ang ikakaunlad ng isang mag-aaral. Sa kabilang banda hindi lahat ng
pangangailangan ng mag-aaral ay naibibigay ng isang guro .kailangan niya ng katulong
upang magabayan nila ng maayos ang isang mag-aaral. Mabisang kapareha ng guro ang
mga magulang ng bawat mag-aaral . Dahil ang Pamilya ang unang nagtuturo ng unang
edukasyon sa mga bata. Dito nabubuo ang kanilang pagkatao sa kanilang mga pamilya.
Ngunit sa kasalukuyan ang mga magulang ay nagbabayad na lamang ng mga mag-aalaga
Sa kanilang mga supling .upang matugunan nila ang pangangailangan ng kanilang mag-anak.
Ayon kay Haley at Berry ( 2005 ) na ang Tahanan at Paaralan ay Magkatulong , Na ang
Mga magulang at pamilya ay may malaking ambag sa paglaki ng isang bata. Lalo na sa
Larangan ng kasanayan ng pag-aaral. Karamihan sa mga naghihinto ay ang walang suporta
Ng pamilya at mga magulang . Ang pag-uugali ng bata sa loob ng paaralan ay nagmula sa
kung ano ang kanyang kinalakhan..
Ayon kay Zara ( 2005 ) na ang mabuting guro ay nalalaman ang pangangailangan
Ng kanyang mag-aaral.. Alam ng guro na ang magulang ay ang pinakamahalagang
Impluwensya sa kanilang mga mag-aaral. Pinakamabisang instrument sa mga ito ay ang
Pakikipag-usap ng mga magulang sa kanilang mga anak. Malaking Paktor din na dapat ay
alamin ng mga magulang ang mga aktibidad ng kanilang mga anak sa paaralan. Minsan
hindi pa alam ng mga magulang na naghinto na pala ang mga anak sa paaralan .
Ang iba naman ay nalululong na sa masamang bisyo. Nakakalungkot na isipin na
maraming mga kabataan ang sinisira ang kinabukasan upang mapansin lang ng
kanilang mga magulang .
Naniniwala ang pag-aaral na ito na malaki ang maitutulong sa maraming kabataan
At mga magulang upang matugunan ang mga suliranin ng bawat isa.
Kaya ang Pamahalaan ng Lungsod ng Balanga ay umisip ng Paraan upang ma-
bigyan ng tamang edukasyon ang mga magulang kung paano mapapalaki ng maayos
ang kanilang mga supling.Sa paraang ito maihuhubog natin ang ating mga supling ng may takot sa
Diyos at mabuting nilalang ng Bansang Pilipinas. Sa kasalukuyang namamayagpag pa rin ang nasabing kampanya ng ating Programa . At masasabi kong isa ako sa mga nakaavail ng progamang ito at ito ay aking naging sandata upang mapalaki kong maayos ang aking mga supling ng may talot sa magulang, may
Respeto sa kapwa ,sa sarili may matibay na pundasyon na masasandigan nila sa kanilang pagtahak sa buhay ,buo ang loob na humarap sa hamon ng buhay at ang pinaka importante ay may takot sa Poong Lumikha .
Sanggunian:
National Parenting Education Network Core Principles, “ In NPEN National Parenting Education Network “ Nakuha noong Nobyembre 1, 2009 Galing sa http://www. npen .oreg/ work/core-principles.html at sinipi kay Nestor P. Sison Desyembre , 2009
Educhild Parenting Program and the Academics Performance of Pupils Basis for Enhancement Program : March 2013 Ellen C. Macaraeg.
Sariling Obserbasyon ni:
Mendoza, Ediesa Paguio Teacher II @ 2019 , Bataan National High School
By: Ediesa P. Mendoza | Teacher II Bataan National High School | Balanga, Bataan
