Nag aral upang kaalaman ay makamtan

Sa paglipas ng ilang taon sa kolehiyo,

Diploma’y nakamit at kakayaha’y nalinang

Guro na, isang gurong tunay

Lahat ng kaalaman ngayon ay ibabahagi

Bawat mag-aaral sa realidad ng buhay iwawaksi

Oras, atensyon pati na pag aalaga ibinubuhos

Sa bawat mag-aaral dalangin ay kaunlaran

Guro ako, Guro na bumabangon tuwing umaga

Dala ang pag asang makakaiumpluwensya at makakagagawa ng pagbabago

Guro na nagnanais maging iba ang buhay ng bawat mag aaral

Guro na ang debosyon sa pagtuturo di natatapos

Gurong humaharap sa hamon ng buhay,

Maging sa hamon ng kasalatan sa lahat ng kagamitan

Propesyong maipagmamalaki sa bawat tao

May kakayanang bumago ng buhay

May dedikasyon at pagpapahalaga sa kaalaman

Bayaning maituturing sa aming munting paraan

Ako’y Guro, Hindi Guro lang

By: Marvin S. Santiago|Teacher II |BNHS TLE Department|Balanga City, Bataan