Ating alamin laman ng puso ng isang guro

Bibilang ako ng isa hanggang tatlo

Pakikinggan tibok ng kanilang puso

Sisiyasating tunay pinipintig nito

Sa nangyaring pandemya, isa ang guro sa labis na nag-alala

Kaya ang una, lungkot at pangamba totoo nilang nadama

Unang naisip, estudyante minamahal nila

Tanong sa isip, paano’ng edukasyon nila

Hamon din sa kanila itong matuturing

Paano itatawid kalidad ng edukasyong kanilang hinihiling

Dahil kung hirap ang mga estudyante sa distance learning

Tiyak na ang guro’y parang din ditong mapapraning

Naging malaki ring bahagi ngayon ang teknolohiya

Kaya’t pangalawa takot kanilang nadama

Ngunit mahigpit na yakap dito’y isinalubong nila

Mahirap man, dapat kayanin para sa mga mag-aaral nila

Tayo nang dumako sa pangatlo, may hinuha ka na ba kung ano ito?

Nako! Maaari ko kayang sabihin ito?

Ngunit, dahil huli naman na, ito na’t sasabihin ko

Sabado at Linggo, sa kanila daw inyo nang ibalato.