Sa simula, halos ako’y di makapaniwala.

Sa naririnig ko’t nababasa, ako’y lubos na nabahala.

Buong mundo’y balisa, madlang pipol ay taranta.

Anong nangyayari? Diyos ko, ikaw na po ang bahala.

Naglunsad ng digmaan, lubhang mapanganib.

Pagkat ang kalaban, kaylan ma’y di masisilip

Kumikitil ng buhay, kahit pinto’y nakapinid

Ang mundo ng tao, sa isang iglap ay sumikip.

Kakaibang korona , itong nakaniig

Koronang tahimik, ngunit mapanganib

Walang sinisino, walang pinipili

Takot ng balana’y hindi nalilingid.

Paarala’t opisina, agad pinasara

Mga mag-aaral, di na nag exam pa

Stay home ang utos sa bawat balana

Enhance community quarantine, pinatupad na.

Naging mahirap ito sa kapuso’t kapamilya

Ang mga may pera, nag panic buying na

Mga mahihirap nama’y umaasa sa ayuda

Bigay ng gobyerno, sa bawat pamilya.

Kakaibang giyera, itong kinakaharap

Mga doctor at narses, ang sundalo ng bayan

Ang sandata’y PPE, face mask, herengilya

Kasama ang hirap,pagod, puyat at dusa.

Mga frontliners, nagpakita ng dedikasyon

Upang mamamayan, mabigyan ng proteksyon.

Hindi matumbasan ang sakrapisyo’t serbisyo

Ng pera’t salapi, kahit pa rebulto.

Marahil hindi sapat, ang salamat at saludo

Para matumbasan, inyong serbisyo publiko

Kasama kayo sa dasal ko bawat minuto

Maging ligtas kayo sa covid 19 na ito.

Nais ko lamang pong ipabatid sa inyo

Hindi kayo nag-iisa sa laban na ito.

Kasama kaming haharap sa pagsubok na ito.

Lalaban po tayo, sabay sabay tayo.

By: Willia C. Bacsal | Master Teacher I | Olongapo City National High School | Olongapo City