Ang matandang kasabihan at paulit ulit na umuukilkil sa aking isipan na ang “ Kabataan ang pag asa ng bayan” ay tila yata nagiging isang malaking katanungan para sa akin ngayon. Bakit ?

 Bilang isang gurong pang sekondarya, napapansin ko ang malaking kaibahan ng mga mag aaral noon  sa mga mag aaral natin ngayon. Tutuong hindi tayo dapat magkumpara pero sa mga nakikita kong pagkakaiba ay hindi ko maubos maisip bkit ganito na sila ?

  

                 Hindi ko nilalahat pero karamihan sa mga kabataan ngayon ay tila nawawala na ang dating kaugalian. Nakakalimutan na ang kagandahang asal na itinuro sa atin ng  ating mga ninuno. Marami sa mga magulang ng aking mag-aaral ang tila ba nagrereklamo  tungkol sa pag uugali at mga gawi ng kanilang mga anak. Wari bang sila ay lubos ng tinalikdan ang  mga tradisyon at  kultura na ating kinagisnan. Iilan na lng sa ating mga kabataan ang nagpapakita ng paggalang, pagmamahal at respeto sa

 kanilang mga magulang, sa mga kapatid, sa mga kamag-anak, guro at sa kapwa nila.

                Mapapansin ito sa paraan ng pagsagot at pagtrato nila sa knilang kapwa. Marahil  ito ay dala ng mga makabagong teknolohiya.  Imbes na magbabad sa  library, ang mga kabataan ngayon ay mas malaking panahon ang ginugugol sa computer shop na kung saan madali nilang mahanap ang mga kasagutan sa   kanilang mga asignatura. Mapapansin din ang pagwawalang bahala ng ibang kabataan sa kanilang pag-aaral, na mas inuuna pa ang sarap ng buhay sa pamamagitan ng paglalakwatsa  at pakikipagbarkada . Halos hindi nila mabitawan ang kanilang mga cellphone nasa paaralan man o sa kanilang tahanan, pakiwari ko’y umiikot lang ang kanilang buhay sa mundo ng teknolohiya. Kapansin pansin din ang hindi mapigilang paggamit nila ng “ earphone “  na madalas o maghapong nakasaksak sa kanilang tenga maging sa loob ng klase. Ilan lamang ang mga nabanggit na pag- uugali at karaniwang ginagawa ng ibang mag-aaral.

                Sinasabing ang pag-unlad ay kaakibat ng pagbabago. Nakakatuwang isipin ito, subalit kung ang mga pagbabagong ito ay magdudulot ng ibang epekto sa  tao, gugustuhin ninyo pa ba ang pagbabago ??

Sa lipunang ating ginagalawan, edukasyon ang sandata ng sinuman upang umangat sa buhay at maging isang produktibong mamamayan.

             

                 Kabataan, kabataan saan panig ka ng mundo nabibilang?

By: Mrs. JOCELYN B. ASUNCION Master Teacher I Bataan National High School