Isang kasiyahan kung ika’y ngitian

Kahit ‘di kakilala’y nakatutuwang tingnan

Saan man madako, kilala mga Pilipino d’yan

Matamis na ngiti lagging ‘di matatawaran

Sa mga problema’y di patitinag

Laging malakas, lagi ring matatag

Tibay ng loob, buntot ay ‘di bahag

Sapagkat tunay na Pilipino siyang sinasagisag

Sa panahon ng unos, pagtutulunga’y namamayani

Alitan sa isa’t isa’y isinasantabi

Pagmamahal sa kapuwa laging nagwawagi

Tunay na kayamanan ganitong pag-uugali

Baha, sunog, lindol, personal na problema

Pagdamay sa iba’y laging inuuna

Kaya’t hinahangaan mga lahi sa labas ng bansa

Positibong hinaharap lahat ng sakuna

Tunay ngang nakagagalak ng puso

Ang tawaging isang kang Pilipino

Bukod sa mga likas na yaman dito

Yaman din dito mga naninirahang tao