Maliwanag ang kapaligiran

Walang nagbabadyang anumalya

Tila hindi alintana ang init

Wari’y payapa yaong paligid.

Kaygaan sa dibdib,

Taglay nitong hangarin

Di mawari, ligayang natatamo

Gayong hindi alam kung saan ang tungo

Subalit kung gaano kagaan

Siyang bigat na hindi mo maalalayan

Gayong lumaban naman

Hindi pa rin mapunan ang kakulangan

Kay layo ng lalakbayin

Mukang kay hirap marating

Nais ko mang umusad

Kayrami namang hadlang

Maaari ngang dito nalang

May iba namang patutunguhan

para sa mga yapak na patakas

Tungo para naman bukas.

By: Perlie O. Serrano | Limay Polytechnic College