Bagong panahon, bagong pagkakataon

Tunay na hinibog ng modernisasyon

Tanikalang nagmarka bakas sa ngayon

Inalipin ng iba’t ibang panahon

Ang paghakbang, pabalik sa nakaraan?

Wari’y nanumbalik sa kasalukuyan

Nariyan na naman ang mga dayuhan

Himihiyaw na naman sa ating tahanan.

Iba na ngayon, di muling malilinlang

Pasan nati’y sandata’y ang nakaraan

Handa muling ipaglaban yaring bayan

Di makaliligtas, ang lumapastangan

Hindi muling iiyak ang inang bayan

Ang perlas ng silangan ay iingatan

Dugo’y mistulang tinta ng kasaysayan

Luha ay nagmarka sa kasalukuyan