Sa panibagong mundong ating ginagalawan

Bawat galaw walang kasiguraduhan

Nanganganib ang ating kaligtasan

Sa bawat segundong dumadaan.

Ito ay isang napakalaking hamon

Tinutukoy ko’y ang pandemya ngayon

Iba talaga itong taon

Wari’y unti-unti tayong binabaon

Ngunit sabi nga’y Pilipino tayo

Malalagpasan din natin ang pagsubok na ito

Unti-unting gagaling ang mundo

Basta’t may pananalig kay Kristo

Sa perspektibo ng guro naman

Nako! Nako! Ano ba naman yan!?

Panibagong hamon nariyan

Isip ng paraan kung paano malalampasan

Ang daming tanong ang naglabasan

Bakit ganon? Paano ba yan?

Saan ko sisimulan?

Adjust na naman tayo nyan?

Ngunit sabi nga sa kasabihan

Kung nagrereklamo ka sa sistemang yan

Aba’y iisa lang ang paraan

Humanap ka na ng ibang pagkakakitaan!

Aba siyempre marami’y sasalungat

Mag-aadjust na lang dahil nararapat

Lakas ng loob dapat ay sapat

Sa bayan at propesyo’y maging tapat

Kabi-kabilang webinar ay nandyan

Blended learning kadalasa’y usapan

Mapa-online o modular man

Dapat maging handa ang guro sa anumang laban

Sa nalalapit na pasukan

Kaya ng mga guro yan!

Itatak sa puso at isipan,

Para sa bata! Para sa bayan!

By: Mr. Jayremiah C. Gallardo | Teache I | Bataan NAtional HIgh School | Ba;anga City, Bataan