Tatlong taong pandemya ating nasaksihan

Bagong pamumuhay ating nakagisnan

Naging bihag ng ating sariling tahanan

Pagbangong muli atin sanang makayanan

Bata’t matanda ay parehas na naapektuhan

Ng pandemya na pilit nating nilulunasan

Ang buong mundo ay naturingang natamaan

Ng sakit na sumindak ng buong sambayanan

Ngayon tayo ay tumatayong muli

Sa hamon ng buhay ay hindi papahuli

Sa pagbabalik ng nakagisnan tayo’y maging maingat

Maging responsableng mamamayan dahil iyon ay dapat

Samot saring ingay ang naririnig habang nagaantay ng jeep

Nayayamot na ang driver na tila bay halatang naiinip

Barya lang po sa umaga kanyang isinambit

Wala ng bakante bawal ang sumasabit

Panibagong taon para sa mga magaaral

Edukasyon ay harapin ng may magandang asal.

Bumangon ng may kasamang pananabik

Baon ang mga aral na natutunan sa pagbabalik.

By: Geraldine L. Quiniola|Teacher I|Olongapo City National HighSchool|Olongapo City