Guro, apat na letra ng abakada

Na kung pakikinggan ay kahali – halina

Suot na uniporme ay bumibida

Ngunit, tunay na kahulugan ay ano nga ba?

Bata pa ako ay naging pangarap na

Ang maging isang guro at magpakadalubhasa

Nagsikap mag-aral ,nagsunog ng kilay

Upang maging isang gurong tunay

Ang pagiging guro ay tunay na makabuluhan

Binabago nito ang buhay ng isang nilalang

Sinisikap naming mga mag-aaral ay merong matutunan

Sapagkat kaligayahan namin  na sila ay magtagumpay

Wala kaming hinangad kundi mapabuti

Ang mga kabataan na nasa aming kandili

Mahalagang papel aming ginagampanan

Nanay, kaibigan, yaya at kasambahay

Gagawin ang lahat upang magtagumpay

Kaming mga guro ay simple lamang

Hindi naghahangad ng kahit anuman

Magsasakripisyo alang alang sa mga kabataan

Ang tanging hiling ay pakatandaan

Ang edukasyon ay kayamanan na hindi mananakaw ninuman

By: Mrs. JOCELYN B. ASUNCION Mater Teacher- I Bataan National High School